စားသောက်နေထိုင်နည်း

ေဘာလံုးသမားတစ္ေယာက္အတြက္ က်န္းမာေရးကို ဘယ္လိုထိန္းသိမ္းမလဲ

ဘောလုံးကစားသမားတွေဟာ တခြားအားကစားအသင်းတွေနဲ့မတူဘဲ ၄၅ မိနစ်စာလုံးကို လူစားလဲလဲခွင့်မရဘဲ ကစားရလေ့ရီပါတယ်။ ဒီအချိန်တွင်းမှာ ကစားသမားက လှုပ်ရှားမှုတွေ၊ တာတိုပြေးလွှားရတာတွေကို မရပ်မနားလုပ်နေရပါတယ်။ တကယ်လို့ ကစားသမားက သင့်တင့်မျှတတဲ့အာဟာရ နဲ့ လုံလောက်တဲ့လေ့ကျင့်ခန်း မရှိခဲ့ဘူးဆိုရင် စွမ်းဆောင်ရည်ကောင်းကောင်းကို ကြာကြာ ထိန်းနိုင်မှာ မဟုတ်ပါဘူး။ စွမး်ဆောင်ရည်ကောင်းကောင်းနဲ့ ကစားနိုင်ဖို့အတွက်အောက်မှာဖော်ပြထားတဲ့ အဓိက အချက်နှစ်ချက်ကို လိုက်နာသင့်ပါတယ်။

 

1. အာဟာရ

ကစားသမားတွေက မနက်စာ၊ နေ့လည်စာ၊ ညစာနဲ့ သွားရည်စာ ကိုပါ ကောင်းကောင်းစားပြီးတော့ သူတို့ရဲ့ကြံ့ခိုင်မှုကို စရပါမယ်။ အောက်မှာ အာဟာရအပြည့် ရနိုင်တာတွေကို အကြံပြုထားပါတယ်။

a) မနက်စာ

– ဆီရီယယ် (ဖိုင်ဘာ၊ ပရိုတင်း၊ ဗီတာမင် B၊ ဇင့်၊ ကော့ပါး)
– နို့ (ကယ်လဆီယမ်၊ ပိုတက်ဆီယမ်၊ ဗီတာမင် C)
– ဆီရီယယ်ထဲ အသီးတွေထည့်စားပါ (ဗီတာမင် C၊ ဖိုင်ဘာနဲ့ ပိုတက်ဆီယမ်တွေပါတဲ့ ငှက်ပျောသီး၊ ဗီတာမင်C၊ ဖိုင်ဘာ၊ ပိုတက်ဆီယမ်၊ မဂ္ဂနီဆီယမ် နဲ့ အိုမီဂါသရီး ဖက်တီးအက်ဆစ်တို့ပါဝင်တဲ့ စတော်ဘယ်ရီသီးတွေက မနက်စာ ဆီရီယယ်နဲ့ ရောစားဖို့ အကောင်းဆုံးပါ)
– ကြက်ဥ (ပရိုတင်း)
ကြက်ဥတစ်လုံးလုံးက ပရိုတင်းဓာတ်တွေ အပြည့်ပါပါတယ်။ ကြက်ဥပြုတ်တစ်လုံးမှာ monounsaturated and polyunsaturated fats တိုလို့ ကျန်းမာရေးနဲ့ ညီညွတ်တဲ့ အဆီတွေ ပါဝင်ပါတယ်။ ကြက်ဥမွှေကြော်မှာတော့ ဗီတာမင် A,B နဲ့ ဓာတ်ဆားဓာတ်တွေ ရနိုင်ပါတယ်။
– မြေပဲယို (ပရိုတင်း၊ ပိုတက်ဆီယမ်၊ ဖိုင်ဘာ၊ ဗီတာမင် E၊ ကျန်းမာရေးနဲ့ ညီညွတ်တဲ့အဆီဓာတ်)
– ဒိန်ချဉ် (သကြားထည့်မသောက်ရ)

b) နေ့လည်စာ

– အသားနဲ့ အသီးအနှံ တွေပါဝင်တဲ့ ဆန်းဒဝှစ်(ပရိုတင်း၊ ကယ်လဆီယမ်၊ သံဓာတ်၊ ဓာတ်ဆားဓာတ်)
– အသား (ပရိုတင်း)
– စွပ်ပြုတ်
– အသားနဲ့ အခွံမာသီးတွေပါဝင်တဲ့ အရွက်သုပ် (ပရိုတင်း၊ ဖိုင်ဘာ)

 

c) ညစာ

– ကြက်သားပြုတ် (ကယ်လိုရီနည်းနည်းပဲပါတဲ့ ပရိုတင်း)
– အမဲသား ( ပရိုတင်း၊ သံဓာတ် အဓိကရနိုင်)
– ဆန်လုံးညို ( ဖိုင်ဘာ၊ ပရိုတင်း၊ ကယ်လဆီယမ်၊ ပိုတက်ဆီယမ်)

 

d) သွားရည်စာ

– ကွတ်ကီး နဲ့နွားနို့
– ချောကလက်ဖျော်ရည် (ထရိန်နင်းဆင်းပြီးလျှင် energy အမြန်ဖြည့်တင်းနိုင်ရန်)

 

2. ကိုယ်လက်လေ့ကျင့်ခန်း

အဖွဲ့နဲ့ကစားတာ၊ ပြိုင်ဘက်အသင်းနဲ့ ကန်တာတွေက ကစားသမားရဲ့ ကြံ့ခိုင်မှုကိုမြှင့်တင်ပေးနိုင်ပေမယ့် တခြားတစ်ဖက်မှာ ကိုယ်က တခြားလေ့ကျင့်ခန်းတွေကိုလည်းလုပ်ဖို့လိုပါတယ်။ သက်လုံကောင်းအောင်လေ့ကျင့်တာ၊ သွက်သွက်လက်လက်လှုပ်ရှားနိုင်ဖို့ လေ့ကျင့်တာတွေနဲ့ ခြေထောက်လေ့ကျင့်ခန်းတွေက သင့်ကို ကစားပွဲရာသီအတွင်းမှာရော ရာသီကုန်တဲ့အချိန်မှာပါ ကြံ့ခိုင်မှာရှိနေစေမှာဖြစ်ပါတယ်။

 

a) သွေးပူလေ့ကျင့်ခန်း နှင့် အကြောလျှော့ လေ့ကျင့်ခန်း

 

– သင့်တော်ပြီး လိုအပ်တဲ့ပစ္စည်းတွေယူဆောင်ပါ
– သွေးပူအောင်သေချာလုပ်ပါ
– အကြောတွေကို တတ်နိုင် သမျှ ဆန့်ထုတ်ပြီး အကြောလျှော့ပါ
– ဘောလုံးထိန်းသိမ်းနိုင်ဖို့ လေ့ကျင့်ပါ (အာရုံစူးစိုက်မှု အားကောင်းစေဖို့အတွက်)

b) သက်လုံကောင်းဖို့နဲ့ စွမ်းဆောင်ရည်မြင့်မားစေဖို့

– နှလုံးကြွက်သားအားကောင်းစေပြီး အမောခံနိုင်ဖိုုပြေးပါ
– အမြန်ပြေးနိုင်ရန် တာတိုပြေးလေ့ကျင့်ပါ
– သန်မာလာစေရန် လေ့ကျင့်ပါ (အလေးမခြင်း၊ ထိုင်ထ၊ ဒိုက်ထိုး)
– အဓိကကြွက်သားတွေကိုလေ့ကျင့်ပေးပါ (ပြေးဖို့၊ ရုတ်တရပ်ရပ်ဖို့၊ ဘောလုံးကန်ဖို့ ၊ direction ပြောင်းပြီးပြေးဖို့ လိုအပ်တဲ့ကြွက်သားတွေကို ဂရုစိုက်ပြီးလေ့ကျင့်ပေးပါ)

Comment ပေးရန် နှိပ်ပါ

Leave a Reply

Your email address will not be published. Required fields are marked *

လူကြိုက်များသော ပို့စ်များ

To Top