Lifestyle

ရန္ကုန္ျမိဳ႕တြင္း တစ္ရက္စာလည္ပတ္စားေသာက္ၾကည့္ျခင္း

ရန်ကုန်မြို့ဆိုတာ အရင် မြန်မာနိုင်ငံရဲ့ မြို့တော်ဟောင်းဖြစ်ရုံတင်မကပါဘူး ။ အာရှမှာလည်း အလွန််နာမည်ကျော်ကြားခဲ့ပါတယ်။ဒါတင်မကသေးပါဘူး။ အစားလည်းစုံလင်ပြီး စျေးကွာခြားမှုတွေကလည်း များစွာရှိပါတယ်။ လူတန်းစားမရွေးလည်းစားသောက်နိုင်တဲ့ ဆိုင်တွေလည်း များစွာရှိပါတယ်။ ရန်ကုန်မှာ တစ်နေ့တာလည်ပတ်သွားလာ စားသောက်တဲ့အခါမှာ ကိုယ့်ရဲ့လက်ထဲမှာရှိတဲ့ငွေနဲ့ကိုက်ညီအောင် စားလို့ရတာတွေ အများကြီးပါ။

စာရေးသူကတော့ သက်သက်သာသာနဲ့ ဗိုက်ဝအောင် စားတတ်သူမို့ ဒီဆောင်းပါးလေးထဲမှာ သက်သာတဲ့ ဆိုင်လေးတွေကိုတော်တော်များများ ထည့်ရေးထားပါတယ်။

ရန်ကုန်မြို့ဆိုတော့ မြို့လည်ခေါင်ဖြစ်တဲ့ ဆူးလေကနေပဲ စလိုက်ကြတာပေါ့နော်။ ဆူးလေမှာဆိုရင် အရင်ဆုံးစပြီး စားသင့်တာက ဧမာနွေလ ဘုရားကျောင်းရှေ့ကအစားအသောက်တန်းကြီးပါ။ ဝက်ခေါက်ကင်ထမင်းကို စားပါလို့ အကြံပြုပါတယ်။ စျေးလည်း အရမ်းတန်ပြီး တစ်ပွဲလောက်နဲ့ ဗိုက်ဝပါတယ် ။ အဲ့ဒီမှာ စားလို့ပြီးသွားရင်အနီး တစ််ဝိုက်က ကိုလိုနီ ခေတ် အဆောက်အဦးတွေကို လေ့လာကြည့်ရှူရင်း ဗိုက်ချောင်အောင် လမ်းလေးလျောက်လိုက်ပါဦး။

တကယ်လို့ အချိူပွဲစားချင်သေးတယ်ဆိုရင်တော့့ ၂၈ လမ်းအောက်ဘက်ကို လျောက်သွားလိုက်ပါ။ ဗီဂျေးအိန္ဒိယအချိူမုန့်တွေရောင်းတဲ့ဆိုင်က ပြုံးပြုံးကြီး စောင့်နေပါလိမ့်မယ်။ ဂျလေဘီကြော် အီအီလေးနဲ့ အချိူတည်းလိုက်ပါရှင်။ တစ်ခါတည်း ဆွေမျိူးတွေ အကုန်မေ့သွားပါလိမ့်မယ်။

အဲ့လိုအချိူူတည်းပြီးရင်တော့ အပေါ်လမ်းဘက်ထဲတည့်တည့်ကြီး တက်ပြီး ဗိုလ်ချူပ်စျေးမှာ စျေးဝယ်ထွက်လို့ရပါတယ်။ ပိတ်စလေးဘာလေးလည်းဝယ်လို့ ရသလို အခု Junction City အောက်ဘက်မှာရှိတဲ့ ဗိုလ်ချူပ်စျေးသစ်ကိုုလည်း အလည်သွားသင့်ပါတယ်။ အဝတ်အစားလေးတွေ စုုံစုံလင်လင်ရှိပြီး စျေးလည်းတန်ပါတယ်။ လည်ရပတ်ရတာမောလို့ ဗိုက်ပြန်ဆာလာပြီဆိုရင်တော့ ဗိုလ်ချူပ်စျေး အတွင်းဘက်မှာရှိတဲ့ မြန်မာမုန့်ရောင်းတဲ့ အတန်းကိုသွားပြီး မုန့်ဗိုင်းတောင့်တို့ မုန့်လက်ကောက်တို့ကို မြည်းစမ်းကြည့်ပါ။ အဆာလည်းပြေ အရသာလည်းရှိပါတယ်။ စိတ်ပါရင် အဲ့နားအနီးတစ်ဝိုက်မှာ လိမ္မော်သီးကို လတ်လတ်ဆက်ဆက် ဖျော်ပေးတဲ့ဆိုင်ရှိပါတယ်။ စျေးကတော့နည်းနည်းလေးကြီးပါတယ်။ နိုင််ငံခြားသားတွေ သောက်တာများပါတယ်။ အသီးဖျော်ရည်မကြိုက်တတ််ရင်တော့ အပေါ်ထပ် ပန်းချီပြခန်းတွေနားမှာ ကော်ဖီရောင်းတဲ့ ဆိုင်သေးသေးလေးရှိပါတယ်။အရမ်း ကို မွှေးကြိုင်နေပြီး သောက်လိုက်ရင်လည်း တမူထူးတဲ့ အရသာလေးပါ။ စာရေးသူ ဧည့်လမ်းညွန်အနေနဲ့ ဧည့်သည်တွေကို ဗိုလ်ချူပ်စျေးထဲ ခေါ်သွားရင် အမြဲတိုက်တဲ့ ကော်ဖီလေးပါ။

ဗိုလ်ချူပ်စျေးမှာ လည်လို့ပတ်လို့ဝယ်လို့ ဝသွားပြီဆိုရင် နောက််သွားရောက်လည််ပတ် စားသောက်သင့်တဲ့ နေရာကတော့ တရုတ်တန်းပဲ ဖြစ်ပါတယ်။ နိုင်ငံတော်တော်များများရဲ့ မြို့ကြီးပြကြီးတွေ အကုန်လုံးနီးပါးမှာ တရုတ်တန်းရှိကိုရှိပါတယ်။ တရုတ်တန််းတိုင်းမှာလည်း မတူညီတဲ့ အစားအသောက်ကောင်းတွေရှိပါတယ်။ရန်ကုန်မြို့ရဲ့ တရုတ်တန်းမှာ ဆိုရင်တော့ အသားပေါင်း၊ အီကွေ့နဲ့ ဆန်ပြုတ်တို့က မစားမဖြစ်အစားအသောက်တွေပါ။ စာရေးသူဆိုရောက်တိုင်း စားပါတယ်။ အရမ်းလည်းကောင်းသလို စျေးလေးလည်းတန်ပါတယ်။

ဒီလောက်ဆိုရင်တော့ မြို့ထဲကိုတော်တော်လေးနှံ့သွားပါပြီနော်။ တော်တော်လေးတော့ ခြေထောက်ညောင်းမယ်ထင်ရပေမဲ့ ဟိုကြည့် ဒီကြည့်နဲ့ ရောက်သွားမှာမို့ ညောင်းရကောင်းမှန်းတောင်သိမယ်မထင်ပါဘူး။ ကဲ အားတဲ့ရက်လေးတော့ ဆူးလေကို ဘက်စ်ကားလေးစီးသွားပြီး မြို့ထဲကိုလည်ပတ်ရင်း လွတ်လပ်မှု အရသာကို ခံစားလိုက်ကြပါဦးနော်။

ခုလို အရသာရှိတဲ့ ဆိုင်ကောင်းကောင်းလေးတွေက အစားအသောက်တွေကို စားချင်တယ်ဆိုရင်တော့ Doemal Application ကနေ မှာစားလို့ရနေပြီဆိုတာလေးလဲ တစ်ခါထဲပြောလိုက်ပါရစေနော်။

အားလုံးသော ပရိသတ်ကြီးတို့ ကျန်းမာပါစေဆုတောင်းရင်း ……။

 

 

 

 

ရန္ကုန္ျမိဳ႕ဆုိတာ အရင္ ျမန္မာႏုိင္ငံရဲ႕ ျမိဳ႕ေတာ္ေဟာင္းျဖစ္ရုံတင္မကပါဘူး ။ အာရွမွာလည္း အလြန္္နာမည္ေက်ာ္ၾကားခဲ့ပါတယ္။ဒါတင္မကေသးပါဘူး။ အစားလည္းစုံလင္ျပီး ေစ်းကြာျခားမႈေတြကလည္း မ်ားစြာရွိပါတယ္။ လူတန္းစားမေရြးလည္းစားေသာက္နိုင္တဲ့  ဆိုင္ေတြလည္း မ်ားစြာရွိပါတယ္။ ရန္ကုန္မွာ တစ္ေန႔တာလည္ပတ္သြားလာ စားေသာက္တဲ့အခါမွာ ကုိယ့္ရဲ႕လက္ထဲမွာရွိတဲ့ေငြနဲ႕ကုိက္ညီေအာင္ စားလုိ႕ရတာေတြ အမ်ားၾကီးပါ။

စာေရးသူကေတာ့ သက္သက္သာသာနဲ႔ ဗုိက္ဝေအာင္ စားတတ္သူမုိ႕ ဒီေဆာင္းပါးေလးထဲမွာ သက္သာတဲ့ ဆုိင္ေလးေတြကိုေတာ္ေတာ္မ်ားမ်ား ထည့္ေရးထားပါတယ္။

ရန္ကုန္ျမိဳ႕ဆုိေတာ့ ျမိဳ႕လည္ေခါင္ျဖစ္တဲ့ ဆူးေလကေနပဲ စလုိက္ၾကတာေပါ့ေနာ္။ ဆူးေလမွာဆုိရင္ အရင္ဆုံးစျပီး စားသင့္တာက ဧမာေႏြလ ဘုရားေက်ာင္းေရွ႕ကအစားအေသာက္တန္းၾကီးပါ။ ဝက္ေခါက္ကင္ထမင္းကုိ စားပါလုိ႔ အၾကံျပဳပါတယ္။ ေစ်းလည္း အရမ္းတန္ျပီး တစ္ပြဲေလာက္နဲ႕ ဗုိက္ဝပါတယ္ ။ အဲ့ဒီမွာ စားလုိ႔ျပီးသြားရင္အနီး တစ္္ဝုိက္က ကုိလုိနီ ေခတ္ အေဆာက္အဦးေတြကုိ ေလ့လာၾကည့္ရွဴရင္း ဗုိက္ေခ်ာင္ေအာင္ လမ္းေလးေလ်ာက္လုိက္ပါဦး။

 

တကယ္လုိ႕ အခ်ိဴပြဲစားခ်င္ေသးတယ္ဆုိရင္ေတာ့့ ၂၈ လမ္းေအာက္ဘက္ကုိ ေလ်ာက္သြားလုိက္ပါ။ ဗီေဂ်းအိႏၵိယအခ်ိဴမုန္႕ေတြေရာင္းတဲ့ဆုိင္က ျပဳံးျပဳံးၾကီး ေစာင့္ေနပါလိမ့္မယ္။ ဂ်ေလဘီေၾကာ္ အီအီေလးနဲ႕ အခ်ိဴတည္းလုိက္ပါရွင္။ တစ္ခါတည္း ေဆြမ်ိဴးေတြ အကုန္ေမ့သြားပါလိမ့္မယ္။

အဲ့လုိအခ်ိဴူတည္းျပီးရင္ေတာ့ အေပၚလမ္းဘက္ထဲတည့္တည့္ၾကီး တက္ျပီး ဗုိလ္ခ်ဴပ္ေစ်းမွာ ေစ်းဝယ္ထြက္လုိ႔ရပါတယ္။ ပိတ္စေလးဘာေလးလည္းဝယ္လုိ႕ ရသလုိ အခု Junction City ေအာက္ဘက္မွာရွိတဲ့ ဗုိလ္ခ်ဴပ္ေစ်းသစ္ကုိုလည္း အလည္သြားသင့္ပါတယ္။ အဝတ္အစားေလးေတြ စုုံစုံလင္လင္ရွိျပီး ေစ်းလည္းတန္ပါတယ္။ လည္ရပတ္ရတာေမာလုိ႔ ဗုိက္ျပန္ဆာလာျပီဆုိရင္ေတာ့ ဗုိလ္ခ်ဴပ္ေစ်း အတြင္းဘက္မွာရွိတဲ့ ျမန္မာမုန္႔ေရာင္းတဲ့ အတန္းကုိသြားျပီး မုန္႕ဗုိင္းေတာင့္တုိ႕ မုန္႔လက္ေကာက္တုိ႔ကုိ ျမည္းစမ္းၾကည့္ပါ။ အဆာလည္းေျပ အရသာလည္းရွိပါတယ္။ စိတ္ပါရင္ အဲ့နားအနီးတစ္ဝုိက္မွာ လိေမၼာ္သီးကုိ လတ္လတ္ဆက္ဆက္ ေဖ်ာ္ေပးတဲ့ဆုိင္ရွိပါတယ္။  ေစ်းကေတာ့နည္းနည္းေလးၾကီးပါတယ္။ ႏုိင္္ငံျခားသားေတြ ေသာက္တာမ်ားပါတယ္။ အသီးေဖ်ာ္ရည္မၾကိဳက္တတ္္ရင္ေတာ့ အေပၚထပ္ ပန္းခ်ီျပခန္းေတြနားမွာ ေကာ္ဖီေရာင္းတဲ့ ဆုိင္ေသးေသးေလးရွိပါတယ္။အရမ္း ကုိ ေမႊးၾကိဳင္ေနျပီး ေသာက္လုိက္ရင္လည္း တမူထူးတဲ့ အရသာေလးပါ။ စာေရးသူ ဧည့္လမ္းညြန္အေနနဲ႕ ဧည့္သည္ေတြကုိ ဗုိလ္ခ်ဴပ္ေစ်းထဲ ေခၚသြားရင္ အျမဲတုိက္တဲ့ ေကာ္ဖီေလးပါ။

ဗုိလ္ခ်ဴပ္ေစ်းမွာ လည္လုိ႔ပတ္လုိ႔ဝယ္လုိ႔ ဝသြားျပီဆိုရင္ ေနာက္္သြားေရာက္လည္္ပတ္ စားေသာက္သင့္တဲ့ ေနရာကေတာ့ တရုတ္တန္းပဲ ျဖစ္ပါတယ္။ နုိင္ငံေတာ္ေတာ္မ်ားမ်ားရဲ႕ ျမိဳ႕ၾကီးျပၾကီးေတြ အကုန္လုံးနီးပါးမွာ တရုတ္တန္းရွိကုိရွိပါတယ္။ တရုတ္တန္္းတုိင္းမွာလည္း မတူညီတဲ့ အစားအေသာက္ေကာင္းေတြရွိပါတယ္။ရန္ကုန္ျမိဳ႕ရဲ့ တရုတ္တန္းမွာ ဆုိရင္ေတာ့ အသားေပါင္း၊ အီေကြ႕နဲ႕ ဆန္ျပဳတ္တုိ႔က မစားမျဖစ္အစားအေသာက္ေတြပါ။ စာေရးသူဆုိေရာက္တုိင္း စားပါတယ္။ အရမ္းလည္းေကာင္းသလုိ ေစ်းေလးလည္းတန္ပါတယ္။

ဒီေလာက္ဆုိရင္ေတာ့ ျမိဳ႕ထဲကုိေတာ္ေတာ္ေလးႏွံ႔သြားပါျပီေနာ္။ ေတာ္ေတာ္ေလးေတာ့ ေျခေထာက္ေညာင္းမယ္ထင္ရေပမဲ့ ဟိုၾကည့္ ဒီၾကည့္နဲ႕ ေရာက္သြားမွာမုိ႔ ေညာင္းရေကာင္းမွန္းေတာင္သိမယ္မထင္ပါဘူး။ ကဲ အားတဲ့ရက္ေလးေတာ့ ဆူးေလကုိ ဘက္စ္ကားေလးစီးသြားျပီး ျမိဳ႕ထဲကုိလည္ပတ္ရင္း လြတ္လပ္မႈ အရသာကုိ ခံစားလုိက္ၾကပါဦးေနာ္။

ခုလို အရသာရွိတဲ့ ဆိုင္ေကာင္းေကာင္းေလးေတြက အစားအေသာက္ေတြကို စားခ်င္တယ္ဆိုရင္ေတာ့  Doemal Application ကေန မွာစားလို႕ရေနျပီဆိုတာေလးလဲ တစ္ခါထဲေျပာလိုက္ပါရေစေနာ္။

အားလုံးေသာ ပရိသတ္ၾကီးတုိ႔ က်န္းမာပါေစဆုေတာင္းရင္း ……။

 

 

Comment ပေးရန် နှိပ်ပါ

Leave a Reply

Your email address will not be published. Required fields are marked *

လူကြိုက်များသော ပို့စ်များ

To Top