တရုတ်

တရုတ်ကြက်နှစ်သစ်ကူးပွဲတော်

Chinese New Year

တရုတ်နှစ်သစ်ကူးရိုးရာပွဲတော်သည် တရုတ်နိုင်ငံ၏ ရုံးပိတ်ရက်များတွင် အရေးပါလှပြီး တရုတ်ရိုးရာ လပြက္ခဒိန်ကိုကြည့်ကာ ကျင်းပသော ပွဲတော်တစ်ခု ဖြစ်ပါသည်။ နှစ်စဉ်နှစ်တိုင်း တရုတ် နှစ်သစ်ကူးနေ့များသည် အပြောင်းအလဲရှိပြီး အများအားဖြင့် ဇန်နဝါရီ ၂၁ ရက်မှ ဖေဖော်ဝါရီ ၂၀ ရက်အတွင်း လပြက္ခဒိန်ကိုကြည့်ကာဆုံးဖြတ်ပြုလုပ်လေ့ရှိကြပါသည်။တရုတ်ပြက္ခဒိန်အရ နွေဦးရာသီ ကျရာက်သော လဖြစ်ပြီး ဆောင်းရာသီ အကုန်တွင် ကျင်းပသောကြောင့် တရုတ်ရိုးရာ နှစ်သစ်ကူး နေ့များကို နွေဦးပွဲတော် ဟုလည်း ခေါ်ဆိုလေ့ရှိကြသည်။ တရုတ်ရိုးရာ ၁၂ ရာသီခွင်အရုပ်များသည် နှစ်စဉ်နှစ်တိုင်း အလှည့်ကျ ကျရောက်ပြီး နှစ်တစ်နှစ်ကို ကိုယ်စားပြုသော ရာသီခွင် အရုပ်များ ဖြစ်ပါသည်။ တရုတ်ရိုးရာရာသီခွင်အရုပ်များမှာ ကြွက်၊ နွား၊ ကျား၊ ယုန်၊ နဂါး၊ မြွေ၊ မြင်း၊ ဆိတ်၊ မျောက်၊ ကြက်၊ ခွေးနှင့် ဝက်တို့ဖြစ်ပါသည်။ နှစ်တစ်နှစ်စီတွင် ကိုယ်စားပြု ရာသီခွင်အရုပ်ကိုယ်စီ ရှိပြီး ၂၀၁၇ ခုနှစ်၊ ဇန်နဝါရီလ ၂၈ရက်၊ စနေ့နေ့တွင် ကျရောက်သော တရုတ်နှစ်ကူးသည် ကြက်နှစ်သစ်ကူးနှစ်ကာလ ဖြစ်ပါသည်။

တရုတ်နှစ်သစ်ကူးပွဲတော်ဖြစ်ပေါ်လာပုံနှင့် ပတ်သတ်ပြီးကျော်ကြားလှသော ဒဏ္ဍာရီတစ်ပုဒ်ဖြစ်သော ဘုန်းတော်ကြီးတစ်ပါးမှ လူသားတို့၏အသက်အိုးအိမ်ကိုဖျက်စီးနေသော နယန်ဟုခေါ်သော မိစ္ဆာကြီး ကိုနှိမ်နင်းရာမှ အစပြုခဲ့သည်။ ဘုန်းတော်ကြီးသည် နယန် မိစ္ဆာကောင်ကြီးထိတ်လန့်ကြောက်ရွံ့သော အနီရောင်စက္ကူများကို တံခါးတွင်ကပ်စေခြင်း နှင့် ဝါးကိုမီးရှို့ကာ ကျယ်လောင်သော အသံကို ဖန်တီးခြင်းဖြင့် နှိမ်နင်း နိုင်ခဲ့သည်။ ထို့နောက်ပိုင်းတွင် တရုတ်နှစ်သစ်ကူးအကြိုနေ့များတွင် ဘုန်းတော်ကြီး ညွှန်ပြခဲ့သည့်အတိုင်း ပြုလုပ်ကြသောအခါ နယန်မိစ္ဆာဆိုးကြီးသည် ပျောက်ကွယ် သွားခဲ့လေသည်။ ထိုဓလေ့ရိုးရာသည် ရှေးယခင်ထဲမှ ယနေ့အချိန်ထိ တရုတ်ရိုးရာနှစ်သစ်ကူး ပွဲတော်တွင် အရေးပါလှပြီး ဆက်လက်ပြုလုပ်လျက်ရှိပါသည်။

တရုတ်ရိုးရာစစ်စစ် နှစ်သစ်ကူးပွဲတော်များသည် ၁၆ရက်ခန့် ကျင်းပလေ့ရှိကြသည်။ တရုတ်နှစ်သစ် ကူးနေ့ မကျင်းပမှီ တရုတ်လူမျိုးများသည် နေအိမ်များကို သန့်ရှင်းရေးပြုလုပ်ခြင်း၊ နံရံများကို ဆေးသုတ်ခြင်း၊ အဝတ်အစားသစ်များကိုဝယ်ယူကြခြင်း နှင့် အစားအစာများကိုပြင်ဆင်ကြခြင်း တို့ကိုပြုလုပ်လေ့ရှိကြသည်။နှစ်သစ်ကူး အကြိုနေ့တွင် မိသားစုများအတူတကွမဖြစ်မနေ ညနေစာကို တရုတ်ရိုးရာဟင်းလျာမျိုးစုံဖြင့် စားသုံးကြရသည်။ နှစ်သစ်ကူးနေ့မနက်တွင် လူငယ်များသည် အသက် အရွယ်ကြီးသူများကို ဂါရဝပြု ကြပြီး လူကြီးများမှလည်း အန်ပေါင်းဟု ခေါ်သော ပိုက်ဆံ ထည့်ထားသော အနီရောင်စာအိတ်လေးများကို ကံကောင်းစေရန်နှင့် ဆုမွန်ကောင်းများ ရရှိစေရန်အတွက် ပေးတတ်ကြပါသည်။ အခြားနှစ်သစ်ကူးနေ့ရက်များတွင် နတ်ဘုရားများကို ပူဇော်ရှိခိုးခြင်း၊ ဆွေမျိုးများနှင့်မိတ်ဆွေများထံသို့ အလည်သွားခြင်း၊ အိမ်ထောင် ကျပြီးသော သမီးများမှ မိဘနေအိမ်သို့ အလည်လာကြခြင်းတို့ကို ပြုလုပ်ကြလေ့ရှိပြီး လက်ဆောင်များ လဲလှယ်ကြခြင်း၊ ဖျောက်အိုးဖောက်ကြခြင်းနှင့် “ဖူ” ဟူသောစကားလုံးကို အိမ်၏ပင်မတံခါးပေါက်တွင် လာဘ်လာဘများ ဝင်ရောက်စေရန်အတွက်ချိတ်ဆွဲလေ့ရှိကြပြီး အနီရောင်ဝတ်စုံများကို ဝတ်ဆင်ကြသည်။

တရုတ်လူမျိုးသူငယ်ချင်းများနှင့် တရုတ်နှစ်သစ်ကူးကို အတူဆင်နွဲရသည်မှာ ပျော်ရွှင်ဖွယ် ကောင်းလှသော်လည်း ယဉ်ကျေးမှု ကွာခြားလှသောကြောင့် နှစ်သစ်ကူးလက်ဆောင်ပေးရာတွင် မှားယွင်းသော လက်ဆောင်များပေးမိတတ်ပါသည်။ ချွန်ထက်သောအရာများ၊ လေးခု ဖြစ်နေသောအရာများ၊ ဖိနပ်များ၊ လက်ကိုင်ပုဝါများ၊ထီး၊ နာရီ၊ သစ်တော်သီး၊ အမြစ်မပါဘဲ ဖြတ်ထားသောပန်းများ၊ အဖြူ၊အမဲအရာဝတ္ထုများ နှင့် မှန်တို့ကို လက်ဆောင်ပေးခြင်းမှ ရှောင်ရှားသင့်ပြီး ထိုအရာများသည် နှစ်သစ်တွင် ကံဆိုးမှုများကို ယူဆောင်လာနိုင်ကြောင်း ယုံကြည်ကြသည်။

တရုတ်နှစ်သစ်ကူးပွဲတော်ကို အဓိကကျင်းပရခြင်းမှာ မိသားစုနှင့်အတူပျော်ရွှင်ဖွယ်အချိန်လေးများ ဖန်တီးစေနိုင်ရန် ဖြစ်သောကြောင့် နှစ်သစ်ကူးကာလတွင် မိသားစုများနှင့် အတူစားသုံးနိုင်မည့် ရန်ကုန်မြို့ရှိ စားသောက်ဆိုင်များကို ဖော်ပြပေးထားပါသည်။

ရိုင်ရယ် အိုရီရန်တန် ဟောက်စ် (Royal Oriental House)ရိုင်ရယ် အိုရီရန်တန် ဟောက်စ် (Royal Oriental House)

အင်းလျားလမ်း၊ ကမာရွတ်မြို့နယ်၊ ရန်ကုန်မြို့။

အင်ပရီးရယ် ဂါးဒင်း(Imperial Garden)အင်ပရီးရယ် ဂါးဒင်း(Imperial Garden)

မြန်မာပလာဇာ၊ ရန်ကုန်မြို့။

ရိုင်ရယ် ပဗယ်လီရွန် (Royal Pavilion)ရိုင်ရယ် ပဗယ်လီရွန် (Royal Pavilion)

မြေညီထပ်၊ နိုဗိုတယ် ရန်ကုန် မက်စ် ဟော်တယ်၊ ရန်ကုန်မြို့။

ရှီယမ်ယမ် (Xi Yang Yang )ရှီယမ်ယမ် (Xi Yang Yang )
အမှတ်( ၄)၊ ညောင်တုန်းလမ်း၊ စမ်းချောင်းမြို့နယ်၊ ရန်ကုန်မြို့။
ဝိုက်တ်ရိုက်စ်  (White Rice Restaurant)ဝိုက်တ်ရိုက်စ်  (White Rice Restaurant)

ကန်တော်ကြီး ဥယျာဉ်၊ နတ်မောက်လမ်း၊ ရန်ကုန်မြို့။

Comment ပေးရန် နှိပ်ပါ

Leave a Reply

Your email address will not be published. Required fields are marked *

လူကြိုက်များသော ပို့စ်များ

To Top